Буряадай улас түрын багшанарай колледждо «Талын сэсэг» гэһэн хатарай бүлгэмэй тоосоото тоглолто үнгэрбэ.

Энэ хатарай бүлгэмые Сэсэгма Цыремпилова хүтэлбэрилдэг. Тэрээндэ оюутадаа хатарай һонирхолтой, шэдитэ оршондо хабаадуулха гээшэнь наһанайнь хэрэг болонхой юм.

Энэ тоглолто хатарай, сэдьхэлэй байдалай, соёлой баялигай бодото һайндэр болобо. Һуралсалаа түгэсхэжэ  байһан оюутад уран бэлиг, эршэ хүсэн, абьяас бэлигээ харуулжа, һүүлшынгөө тоглолтоор эрдэмэйнгээ гуламтатай хахасаба .