«Технофест – 2025» гэһэн эрдэм ухаанай болон технологиин гол фестиваль залуушуулда шэнэ шэглэл,  туйлалтануудые харуулангаа, Оросой үйлэдбэриин ерээдүй руу харгы нээнэ.

Тус фестивальда компанинууд, олзын хэрэг эрхилэгшэд шэнэ бүтээлнүүдээ, шадабаринуудаа харуулхаһаа гадна, суг хүдэлдэг нүхэдөөрөө уулзажа, хамтын түсэлнүүдые зүбшэн хэлсэхэ, бусадай юу хэжэ байһые хараха, мүн баһа һурагшад  ба оюутадые ажалда уриха аргатай болоно.

Тус хэмжээ ябуулгада Буряадаймнай 30 гаран үйлэдбэринүүд хабаадаа. Тэдэнэр эгээ һонин түсэлнүүдээ Про-Авиа, Про-Техно, Про-Био, Про-Агро, Про-Недра, Про-Дизайн ба албан ажалай газар гэһэн долоон сэдэбтэ талмайнуудта дурадхаа.