Мүнөөдэр Буряад Уласай Толгойлогшын дэргэдэ Аяншалга хүгжөөлгын зүблэлэй жэлэй дүнгүүд болон ерэхэ хаһын хизаарай хүгжэлтын хараа бодолнуудта зорюулагдаһан шухала зүблөөн үнгэрбэ. Тэрэниие Буряадай толгойлогшо Алексей Цыденов хүтэлбэрилөө.

Шухала мэдээсэл эко-зүргэ хүгжөөлгын программа бэелүүлгэдэ хабаатай: һаяын сагта уласай ниислэл Улаан-Үдэдэ «Тропа здоровья» гэһэн түсэлэй хэмжээндэ шэнэ табан замуудые нээхэ, мүн үзэсхэлэнтэ Ивалгын аймагта «Ставка Чингисхана» гэһэн зам нээгдэхээр хараалагдана. Тус үүсхэл дэмжэхын тула уласнай федеральна бюджедһээ 320 сая шахуу тэдхэмжэ мүнгэндэ хүртэхэ юм. Энэнь экотуризмда шэнэ оршон байгуулжа, амарагшадай дунда нютагайнгаа һонирхол дээшэлүүлнэ.

 Гадна суглаанда хабаадагшад аяншалагшадые  хангалгын шанар дээшэлүүлхэ талаар хэдэн асуудалнуудта анхаралаа хандуулһан байна: харгы замай һужаа хүгжөөлгэдэ, автоунаануудые зогсохо һууряар хангалгада, ариг сэбэрэй байдал һайжаруулгада, зошод буудалай эзэд болон туроператорнуудай хоорондохи харилсаха хэмжээе  дээшэлүүлгэдэ. Буряад Улас доторхи болон уласхоорондын аяншалгын һонирхолтой газар гэжэ нэрэеэ дээрэ үргэжэ, бэхижүүлжэ, найдамтайгаар урагшаа дабшана!