Улаан-Үдэдэ Орешковэй нэрэмжэтэ амаралтын сэсэрлиг соо эдиршүүлэй ниитын эмхинүүдэй үдэртэ зорюулагдаһан "Движ Первых" фестиваль эмхидхэгдэбэ. Фестивалиин гол хэмжээ ябуулгань «Марш Первых» байгаа. Тэндэ хабаадагшад хотынгоо хүгжэлтэдэ хабаадахаар бэлэн,  нягтаран нэгэдэнги байһанаа харуулаа. Ниигэмэй асуудалнуудые шиидхэхэ, ажабайдалай шанар дээшэлүүлхэ талаар эдиршүүлэй хүсэ шадалаа нэгэдүүлгэ шухала гэжэ энэ жагсаал харуулба.

2024–2025 оной һуралсалай жэлдэ пионернүүдэй заншалнуудые үргэлжэлүүлжэ, эрхим үрэ дүнгүүдые туйлаха гэжэ эрмэлзэһэнэйнгээ түлөө түрүү зэргэдэ ябаһан хүдэлөөндэ хабаадагшад шагнагдаа.  

Хэмжээ ябуулгын айлшадые олон янзын болбосоролой болон зугаасуулгын газарнуудта угтан абаа, тэндэ хүн бүхэн өөрынгөө һанамжаар хубаалдаха, ажаябуулгын шэнэ һалбаринуудые туршажа, ниитын хабаадалга тухай дэлгэрэнгыгээр мэдэхэ аргатай байгаа. Ерэһэн айлшад мүн лэ “пионер”, “октябренок” байһан сагаа дурсан һанаба. 

Саашадаа иимэ хэмжээ ябуулганууд заншалта боложо, Улаан-Үдэ хотымнай бүришье олон залуу ажаһуугшад ниитын хэрэгүүдтэ хабаадаха байха гэжэ эмхидхэлшэд найдана.