Мария Шопхоева багаһаа зураха дуратайшье һаа, хэдэн жэлэй саанаһаа тэрээндэ ёһотоор анхаралаа хандуулдаг болоо. Мүнөө уран зурааша ажалнууд соогоо инаг дура,  дулаан сэдьхэл дамжуулна, юундэб гэхэдэ тэрэ заримдаа хүнүүдтэ тон ехээр дуталдадаг гээшэ ааб даа. Гэбэшье үзэсхэлэнгэй нэрээр олон юумэн ойлгогдомоор байдаг бшуу.

Мариягай зураг бүхэн багахан түүхэ болоно. Бүхы бүтээлнүүдынь – байгаалиин бэлиг. Ажалнуудынь адаглажа харахада, хүдөөгэй ажабайдал, гэр бүлэ, балшар бага наһа, зоной хоорондохи холбоо тон элеэр зурагланхай. 

Энэ хадаа Мариягай гурбадахи үзэсхэлэн болоно, энэнь  хэмжээгээрээ эгээ ехэниинь. Бэлигтэй басагые дэмжэхэеэ олон айлшад суглараа, түрэлхид, нютагаархид болон нүхэдынь.

Мариягай энэ ажалаа оройдоол дүрбэн жэлэй туршада ябуулжа байбашье, бүтээлнүүдынь гансашье Орос гүрэн дотор бэшэ, харин гадаада гүрэнүүдтэшье эрилтэтэй боложо байнхай. Мүнөө тэрэ бэеэ бүхыдөө зохёохы ажалдаа зорюулаа, тиимэһээ басаганай гол зорилго – зүб һанаа һанаалжа, сэдьхэлэйнгээ байдалһаа аягүйрхэнгүй, урагшаа эрмэлзэхэ ёһотой болоно.