Байгша ондо заншалта “Рампиловтанай кубок” гэһэн 6-дахи мүрысөөн элдэб наһанай хэдэн арбаад бүлэгүүдые  суглуулба. Ганса Хэжэнгын аймагһаа арба гаран бүлэг  хабаадаха тухайгаа мэдүүлһэн байна.

Заншалта ёhоор, бүхы бүлэг наhанай талаар гурбан бүлэгтэ хубаараа. Залуу хүбүүдэй дунда талмайн эзэд  булюу байһанаа абаһаар харуулба.

45-һаа дээшэ наһатай ветерануудай дунда мэдүүлгэнүүд үсөөн байгаа. Шангай 3 һууринуудые Улаан-Үдэһөө ерэһэн бүлэгүүд эзэлээ. Түрүүшын һуурида «Дорожник», хоёрдохи һуурида «Согласие» бүлэгүүд гараа, хүрэл медальда «Сэлэнгын" тамиршад хүртэһэн байна. Дундуур наһанай эрэшүүлэй мүрысөөн тухай хэлэбэл, энэ жэлдэ нилээд шанга тэмсээн болобо, шанга тамиршадай тоодо зургаан-долоон бүлэгүүд байба, тэдэнэй тоодо «Навбахор-2».

21 команда 4 һалбари бүлэгтэ хубааржа, тэдэнэй оройдоол хоёрынь плей-оффдо гараһан байна. Нааданууд хатуу байгаа, гэбэшье энэ жэлдэ хүсэтэй кубогые «Ушхайта» гэһэн тамирай клубай бүлэгэй наадагшад толгой дээрээ үргэбэ.

Олонхи бүлэгүүдэй бүридэлдэ Буряадай Суперлигын наадагшад ороно, гэбэшье иимэ дүй дүршэлтэй наадагшадай ерэхэдэ, хизаарай хүл бүмбэгын хүгжэлтэдэ гансал аша туһатай байха гэжэ эндэхи эмхидхэлшэд этигэнэ.

Тиигэжэ наадануудай дүнгөөр Ушхайтын хүл бүмбэгэшэд  кубогта хүртэжэ, Навбахор-2 команда хоёрдохи һуурида гараа, 36-дахи армиин командын наадагшад эрхим гурбые дүхэриглөө.