Олониитын дэмжэлгын штабта заншалта болоһон «Илалтын диктант» гэһэн хэмжээ ябуулга дахинаа үнгэрбэ. Эндэ СВО-гой ветеранууд, залуушуул ба наһатайшуул, багшанар ба һайн дураараа туһалагшад, гүрэн түрын бодолгын түлɵɵлэгшэд ба ниитын ажал ябуулагшад хабаадажа, эрдэм мэдэсэеэ шалгаба.

Байгша ондо гүрэн доторнай энэ үйлэ хэрэг 35 мянганһаа дээшэ газарта, тэрэ тоодо дунда, дээдэ һургуулинуудта, музейнүүдтэ, сэрэгэй частьнуудта болон олониитын газарнуудта үнгэрбэ.

Хабаадагшад 45 минутын туршада 25 асуудалда харюусаа, тэндэнь сэрэгэй тусхай ябуулгашье тухай хуби ороһон байгаа.

Уласхоорондын патриотическа акци долоодохиёо үнгэрбэ гэжэ һануулая, тэрэниие заншалта ёһоор «Ниитэ нэгэ Росси» нам эмхидхээ. Илалтын диктантын гол зорилго хадаа Орос гүрэнэй бүхы ажаһуугшадые нэгэдүүлгэ, түүхэтэ дурасхаал, дайн тухай үнэн зүбые сахилга болоно.