Буряадай улас түрын багшанарай колледжын түлɵɵлэгшэд Агууехэ Илалтын 80 жэлэй ойдо зорюулжа,  Монголоор аяншалжа ерэбэ.

Тэдэнэй бүридэлдэ тус һуралсалай эмхиин багшанар, оюутад, тэрэ тоодо Монголой оюутад оролсожо, Орос болон Монголой хоорондохи түүхэтэ холбоонуудые бэхижүүлхэ зорилготой дурасхаалай хэмжээ ябуулгануудта хабаадаба. Аяншалгын гол үйлэ хэрэгүүдэй нэгэн гэхэдэ, Улаан-Баатар хотодо Советскэ Союзай маршал Г.К. Жуковай хүшɵɵгэй дэргэдэ митинг, Зайсан Толгой уула дээрэхи Совет сэрэгшэдэй дурасхаалай хүшөөдэ сэсэгүүдые табиха ёһолол үнгэрһэн байна. Удаань тэдэнэр Монголой гимназиин һурагшадта эрэлхэг зориг тухай хэшээл үнгэргэжэ, баһал адлил удха шанартай үйлэ хэрэг бэелүүлээ. Мүн лэ Буряадай багшанарай колледждо һуража байһан монгол оюутадай түрэлхидтэй дулаахан, эбтэй эетэй оршон байдалда уулзалга үнгэрɵɵ. Түрэлхидтэй уулзалга хадаа колледж болон оюутадай гэр бүлэнүүдэй хоорондохи холбооень бэхижүүлжэ, болбосоролой һалбарида саашадаа аша үрэтэйгөөр суг хүдэлхэ бата һуури табигдаа. Бүхыдɵɵ Геройнуудай дурасхаалые хүндэлхэеэ Буряадай улас түрын колледжын түлɵɵлэгшэд оюутадай түрэлхид, Монголой һуралсалай эмхинүүдэй һургуулиин һурагшад болон оюутад, мүн Улаан-Баатар хотын ажаһуугшад хабаадаба.