Улаан-Үдэ хотын И.К.Калашниковай нэрэмжэтэ номой санда мэдээжэ уран зохёолшо, Орос Уласай уран зохёолшодой холбооной гэшүүн, Буряад Уласай Соёлой габьяата ажал ябуулагша Алексей Гатаповтай уулзалга үнгэрбэ. Ушарынь гэхэдэ, «Доржи Банзаров. Дневник чиновника особых поручений» гэһэн романайнь нара хараһанда, уншагшад олоор сугларжа, хуралдаа үнгэргэбэ.

 Доржо Банзаровай нэрэмжэтэ Буряадай гүрэнэй ехэ һургуулиин, Буряад Уласай багшанарай колледжын оюутад хуралдаанда эдэбхитэйгээр хабаадаба. Түүхын ба хэлэ бэшэгэй дээдэ һургуулиин оюутад зохёолой жанрай болон найруулгын онсо шэнжэнүүд тухай хэлсээ. Буряадай гүрэнэй дээдэ һургуулиин оюутан Чойжамсо Бальжаев энэ роман тухай һанамжаараа хубаалдаба. 

Иимэ уулзалгануудые үнгэргэжэ байхада, илангаяа түүхэтэ уран зохёолнуудаар зон ехээр һонирхоно гэжэ тэмдэглэлтэй. Алексей Гатапов хадаа «Рождение вождя», «Первый нукер Чингисхана», «Тэмуджин» номуудай автор болоно.