Эсэгэ ороноо хамгаалгын Агууехэ дайнда илалта туйлаhаар, 80 жэлэй ойдо зорюулагдажа, танхим шэмэглэлгын ба «Илалтын сууряан» гэһэн уран уншалгын мүрысөөнүүдые Буряад Уласай Толгойлогшын ба Засагай газарай захиргаан эмхидхэнэ.

  Эндэ дунда һургуулинуудай, дунда мэргэжэлэй һуралсалай эмхинүүдэй танхимууд Эсэгэ ороноо хамгаалгын Агууехэ дайнда зорюулагдаһан сэдэбээр шэмэглэгдэхэ ёһотой. Һурагшад болон оюутад видеобуулгабари хэжэ, дэлгэсэ дээрэ харуулагдаһан сахим  хаягаар ажалнуудаа эльгээхэ болоно.

«Илалтын сууряан» гэһэн уран уншалгын мүрысөөндэ шүлэгүүдые ородшье, буряадшье хэлэн дээрэ уншаха арга бии. Шүүгшэд хадаа мүрысөөндэ хабаадаагшадай гансал уран уншалга бэшэ, харин эндэ хэрэглэгдэһэн видеобуулгабаринуудай шанарынь сэгнэхэ юм.

Мүрысөөнүүдтэ хабаадаха тухай мэдүүлгэнүүдые майн 9 болотор эльгээхэ хэрэгтэй, майн 15-һаа хойшо дүнгүүдынь согсологдохо.