Буряад уласта барилгын хиналта шэнэ гуримаар ябуулагдахань. « Ехэ барилгын обьектнүүдые бариха, һэльбэн шэнэлхэ, ехэ заһабарилга хэхэ үедэ үнгэргэхэ барилгын хиналта » гэһэн шэнэ дүримүүд 2025 оной январь һарын хуушаар хүсэндөө оробо.
2024 ондо Гэр байра барилгын хиналтын улас түрын албанай элирүүлһэн бүхы эбдэлгэнүүдэй 53 процентэнь барилгын хиналтын эрилтэнүүдые эбдэһэн ушарнууд болоно. Уласай Засагай газарай тэмдэглэһээр, шэнэ дүримүүдэй ашаар барилгын хиналтын шанар дээшэлүүлхэ еһотой. Гадна захил үгэгшын болон ажалда хүлһэлэгшын барилгын хиналтын талаар харюусаха уялгануудыень илган тодолхо юм. Эдэ дүримүүдэй еһоор, барилгада хабаадагшадай гол зорилгонууд дэлгэрэнгыгээр тодорхойлогдобо. Үшөө шэнэ эрилтээр ажалда хүлһэлэгшын хүдэлмэринүүдые дүүргэхэ түсэбэй еһоор, барилгын
бүхы хугасаада гэр баригша барилгын ябасые хинан шалгажа байха уялгатай болоо.Тиимэһээ дүүргэхэ ажалай түсэб эгээл ехээр хэрэглэгдэхэ баримта бэшэгүүдэй нэгэн болоно. Дүүргэхэ хүдэлмэриин янзануудай ниитэ нэгэн нэрэ тоолбори түрүүшынхиеэ согсологдобо. Шэнэ дүримүүдэй согсолбориин үшөө нэгэ һайн талань гэхэдэ, түсэблэлгын болон хүдэлмэриин данса хубилгаха асуудалаар ушардаг байһан зүрилдөөнүүдые усадхаба гэжэ тоолоходо болохо.
