Константин Буинов, Мунхзул Намхай, Хүрэл Баатар, Гомбо Очир, Анх Баяр, Михаил Пирогов, Александр Хандажапов гэгшэдэй абьяас бэлигтэй дуушад болохо замдань тон ехэ нүлөө үзүүлһэн СССР-эй арадай зүжэгшэн Ким Базарсадаевай нэрэмжэтэ «Эрэшүүлэй абяа дуунууд» гэһэн оперын залуу дуушадай Уласхоорондын мүрысөөнэй гала-тоглолто апрелиин 19-дэ Буряадай оперо болон баледэй театрай тайзан дээрэ үнгэргэгдэхэнь.
Тус мүрысөөн 2007 онһоо эхилээд, гурбан жэлэй нэгэ удаа эмхидхэгдэдэг юм. Байгша ондо мүрысөөн 7-дохиёо үнгэрхэ.
Гран-при шан абаһан дуушан 300 мянган түхэригэй мүнгэн бэлэгтэ ба мэдээжэ мүнгэшэ дархан Жигжит Баясхалановай урлан бүтээһэн үнэтэ бэлэгтэ хүртэхэ юм. Шанда һуури эзэлэгшэдтэ болон эрхим аккомпаниаторта мүнгэн шангууд ба гарай бэлэгүүд хараалагданхай.
