Апрелиин гурбанһаа Буряад Уласта гал түймэрһөө һэргылхэ онсо журам сахигдана. Ой модон руу оролго хизаарлагданхай. Түүдэг табиха огто харюултай.
Яруунын аймагта гал түймэрһөө һэргылхэ онсо байдал соносхогдонхой. Һүүлэй мэдээгээр, апрелиин 14-нэй үглөөгүүр ойн найман түймэр бүридхэлдэ абтаа. Тэдэ Яруунын аймагай дэбисхэртэ ушараа. Бүхыдөө 1154 гектар талмай галай аюулда абтаа. Хүн зоной ажаһуудаг газарта аюулгүй байдалтай.
Мүнөө Буряад Уласай һуурин тосхонуудта гал түймэрэй аюулгүй байдал сахиха хэмжээ ябуулганууд үнгэргэгдэжэ байнхай. Нютагай газар дэбисхэрнүүд хагданһаа, хуурай үбһэнһөө сэбэрлэгдэнхэй, сабшагданхай, тиихэдэ шатаха, дүрэхэ бодосуудые хаяһан газарнууд байха ёһогүй. Хүн зоной ажаһуудаг тосхоной газарые1 0 метрһээ саагуур тойруулаад, зурууд татажа, хахалха ёһотой.
