Улаан-Үдэдэ «Афган дайнай сэрэгшэдэй дурасхаалда» зорюулагдан, бага хүл бүмбэгөөр Можохоорондын 32-дохи мүрысөөн үнгэрбэ. Тэрэ Орос гүрэнэй сэрэгшэдые Афганистанай газарһаа гаргаһан ушараар 36 жэлэй ойдо зорюулагдаба

Жэлһээ жэлдэ энэ мүрысөөндэ уласаймнай техникумүүдэй оюутад, хотын дунда һургуулинуудай һурагшад хабаададаг. Бүхыдөө эндэ 30 команда хабаадаа, тэндэ гансашье уласай оюутад байгаа бэшэ, Тыва болон Яхад Уласуудһаа, Эрхүү можоһоо залуушуул ерэһэн байна. Мүрысөөнэй нээлтэ дээрэ Тамирай болон залуушуулай бодолгын талаар сайд Иван Козырев, Болбосоролой болон эрдэм ухаанай сайд Валерий Поздняков хабаадагшадые амаршалаа.
 
Нааданай дүнгүүдээр, Захааминай агропромышленна  колледж түрүүлжэ гараа. Тэдэнэр түгэсхэлэй уулзалгада  Яхадай тус колледжын оюутадые булижа гараһан байна. Гурбадахи һуури Якутск хотын багшанарай колледж эзэлбэ. Энэ мүрысөөндэ манай нютагһаа гарбалтай мэдээжэ тамиршад, Владимир Гранат Евгений Пономарев хоёр, хабаадаһан байдаг. Тиихэдэ хүл бүмбэгөөр уласай суглуулагдамал командын гэшүүд энэл мүрысөөндэ хододоо хабаададаг байна.