Буряад Улас «Туризм и индустрия гостеприимства» гэһэн Үндэһэтэнэй түсэл бэелүүлгын ашаар Орос гүрэн дотор түрүүшүүлэй нэгэнэй, Алас Дурнын федеральна тойрогто түрүү һуури эзэлнэ. 2022-2024 онуудта һомологдоһон  мүнгэн дэмжэлтын хэмжээн 1 хахад шахуу миллиард түхэриг хүрэтэр дээшэлээ. Манай улас аяншалгын ажаябуулгын талаар Алас Дурнын федеральна тойрогой түрүү гурбан субъектнүүдэй тоодо ороно

Уласай 10 аймагуудта, Улаан-Үдэ хотодо бүхыдөө 588 таһагтай модульна байрануудые байгуулха талаар 54 түсэл бэелүүлэгдээд байна. Эдэнь аятай зохид байдалда хэрэгтэй бүхы юумээр хангагдаһан мүнөө үеын зошод буудалнууд болоно. Жэшээлбэл, «Рыбацкая артель» гэһэн эко-зошод буудал «Саянский марал» гэһэн этнокомплекс хоёр тэдээн руу оролсоно.

2025 ондо аяншалгын оршон хангалга байгуулха түсэлнүүдые дэмжэлгэ «Туризм и гостеприимство» гэһэн Үндэһэтэнэй шэнэ түсэлэй хэмжээндэ үргэлжэлүүлэгдэхэ. Оросой Холбоото Уласай Эдэй засагай хүгжэлтын яаманда 2025-2027 онуудта модульна зошод буудалнуудые байгуулха тухай мэдүүлгэнүүд дээрэ ажал ябуулагдажа байна. Буряад оронһоо 60-аад мэдүүлгэ хараада абтаха, дүнгүүдынь май һарада эли болохо юм.