Хотодомнай «Созвездие молодых» гэһэн заншалта фестиваль үргэлжэлһөөр, харин түсэлэй удаадахи тоглолто «Созвездие молодых: Диалог поколений»  гэһэн нэрэтэйгээр үнгэрбэ. Тоглолтодо залуу хүгжэмшэд болон фестивалиин тусхай айлшад – мэдээжэ оперно дуушад, гэр бүлын дуэт Чингис Елена Аюшеевтан – хамтаржа,  харагшадые үнэхөөрөө баясуулба.  

Тоглолто хоёр хубиһаа бүридөө, программа соонь олон янзын һонирхолтой, олондо мэдээжэ ород романсууд, ород арадай зохёолнууд, классическа хүгжэм, буряадай мэдээжэ дуунууд зэдэлээ. 

Цырен-Ханда Бальжиевна хадаа Чингис Аюшеевэй эжы, хүбүүнэйнгээ нютагаа ерэжэ, хабаадаһан тоглолто бүхэнииень алдангүй харадаг заншалтай. Тэрэ залуушуулые дэмжэһэн хэмжээ ябуулганууд ехэ шухала гэжэ тоолоно.  

Эгээ һонирхолтойнь гэхэдэ, ород арадай зэмсэгүүдэй оркестртэй хамта морин хуур(287 кадр) дээрэ наадагшадай оролсоһониинь ехэ һайшаагдаа. Харагшад тэдэниие халуун альга ташалгаар угтаһан байна. Тус фестиваль февралиин 4-дэ Гомбо Цыдынжаповай нэрэмжэтэ оперо болон баледэй театрай тайзан дээрэ Россиин зохёохы дээдэ һургуулинуудай оюутад болон дүүргэгшэдэй хабаадалгатайгаар галá-тоглолтоор түгэсэхэ.