Общество

Эрэлхэг зоригтой тушаалта нюурнууд

23 января 131
Буряад ТВ

Буряад Уласһаа дүрбэн тушаалта нюурнууд сэрэгэй тусхай ябуулгада ошохонь. Эдэниие нэрлэбэл, Буряад Уласай Засагай газарай түрүүлэгшын хоёр орлогшонор – Иван Альхеев Алдар Гулгенов хоёр. Тэдэ һайн дураараа баруулха гэһэн шиидхэбэри абаа. Тэдэнһээ гадна, Буряад Уласай Хүдөө ажахын болон эдеэ хоолой сайдай уялгануудые дүүргэгшэ Амгалан Дармаев баһал иимэ шиидхэбэри абаһан байна. Энээн тухайнь Буряадай толгойлогшо Алексей Цыденов Telegram каналдаа  дуулгаба. Буряадай толгойлогшо тэдэнэй эрэлхэг зоригтой шиидхэбэри абаһандань суг хүдэлдэг нүхэдтөө баярые хүргөөд, Бүрин эрхэтэ түлөөлэгшэ Юрий Петрович Трутневай даабаряар, Алас Дурнын федеральна тойрогой байгуулһан «Тигр» отрядай бүридэлдэ орохо болобо гэжэ тодорхойлоо. Мүн лэ Улаан-Үдэ хотын һунгамалнуудай зүблэлэй долоодохи зарлалай һунгамал Баир Раднаев баһал тиишэ һайн дураараа ошохоёо сүлжээ холбоондо дуулгаба.