Вагжановай нэрэмжэтэ Соёлой байшанда заншалта болоһон «Мэргэжэлтэдэй бэеын элүүрые бэхижүүлгэ» гэһэн уласай 2-дохи мүрысөөн дүүрэбэ.

Арбан лэ элдэб һалбаринуудай эмхинүүд түгэсхэл хүрэтэрнь хүрэжэ ерээ. Бүхыдөө энэ урилдаанда уласаймнай 48 янзын мэргэжэлэй эмхинүүд хабаадаһан байна. Тэдэнэр бэеын элүүрые бэхижүүлхэ талаар ехэ һайн дүнгүүдые харуулаа. Тэдэнэр 2024 оной туршада элүүрые хамгаалгын элдэб хэмжээ ябуулгануудые үнгэргөө, ажал дээрээ элүүр энхэ ажабайдал байгуулхые оролдоһон байна.

 Энэ мүрысѳѳндэ уласай эмнэлгын газарнууд, болбосоролой, олониитын болон элүүр мэндын эмхи зургаанууд хабаадаа. Эдэнэр бэеын, сэдьхэлэй байдалай элүүр энхэ байлгые сахиха зорилготой элдэб программануудые бэелүүлһэн байна.   

 В.Р. Бояновагай нэрэмжэтэ Элүүрые хамгаалгын, олониитые элүүржүүлхэ ба уридшалан һэргылхэ Буряад Уласай эмнэлгын түб Буряад Уласай профосоюзуудай нэгэдэлгын элбэлтэй суг хамта тус мүрысөө эмхидхэһэн байна. 

Мүрысѳѳнэй дүнгүүдээр түрүүшын һуури Оросой Холбоото Уласай ниигэмэй даадхалай жасын Буряад Уластахи таһаг эзэлээ. 2-дохи һуурида Тарбагатайн аймагай түбэй эмнэлгын газар, 3-дахида Улаан-Үдэ хотын халдабарита үбшэ эмнэлгын газар Улаан-Үдэ хотын Хүн зониие ниигэмэй талаар хамгаалгын хүтэлбэри хоёр хубаалдаба. Нүгөө хабаадагшад «Эрхим ролик», «Эрхим хүтэлбэрилэгшэ», «Элүүр энхэ ажалшан – элүүр энхэ гэр бүлэ», «Илаха хүсэлэй түлөө», «Зохёохы аргаар элүүр мэндэдэ» гэһэн тусхай шангай янзануудаар шагнагдаа. Тус хэмжээ ябуулгын зорилго хадаа хүдэлмэрилэгшэдэй бэеын, сэдьхэлэй байдалай элүүр энхэ байлга, мүн баһа бэе махабадтаа харюусалгатай хандаса бүрилдүүлгэ болоно.