Декабриин 9-дэ Эсэгэ ороной геройнуудай үдэртэ зорюулагдаһан «Герой Отечества» гэһэн найруулга бэшэлгын мүрысөөн үнгэрөө. Энэ мүрысөөндэ 132 һурагшад ба дунда мэргэжэлэй һуралсалай эмхинүүдэй оюутад сугларжа, уласайнгаа баатарнууды хододоо хүндэлжэ байдагаа зохёохы ажалаар харуулхые эрмэлзэһэн байна.
Тус мүрысөөн эхэ ороноо хамгаалгада эрэлхэг зориг, баатаршалга гаргаһан хүнүүдые хүндэлхэ зорилготойгоор эмхидхэгдээ. «Герой» гэһэн нэрэ зэргэдэ хэд хүртэдэг бэ гэжэ өөһэдынгөө һанал бодол найруулга дотороо бэшэһэн байна.
Мүрысөөнэй түгэсхэлэй шата баяр ёһололой оршондо үнгэрөө. Жюриин гэшүүд уран зохёолшодһоо, олониитын ажал ябуулагшадһаа болон ород хэлэнэй багшанарһаа бүридэһэн байжа, хабаадагшадай найруулгануудые үндэрөөр сэгнэбэ.
Мүрысөөндэ шалгарагшадта Баярай бэшэгүүд болон мүнгэн шангууд барюулагдаа. Тэдэнэй бүтээлнүүд ургажа ябаһан улаан бургааһадта ёһотой жэшээ боложо үгэхэ байха гэжэ найдамаар. Эсэгэ ороной геройнуудай үдэр хадаа элинсэг хулинсагуудаймнай болон мүнөө үеын геройнуудай баатарлиг габьяа сахиха литын шухала үдэр болоно.
Мүрысөөндэ шалгарагшадта Баярай бэшэгүүд болон мүнгэн шангууд барюулагдаа. Тэдэнэй бүтээлнүүд ургажа ябаһан улаан бургааһадта ёһотой жэшээ боложо үгэхэ байха гэжэ найдамаар. Эсэгэ ороной геройнуудай үдэр хадаа элинсэг хулинсагуудаймнай болон мүнөө үеын геройнуудай баатарлиг габьяа сахиха литын шухала үдэр болоно.
