«Сестры. Настроение» гэһэн уран һайханай үзэсхэлэн Оюна Нимаева Оксана Цыбикова хоёр эмхидхэбэ.

Энэ хадаа "Залуу” гэһэн түбтэ болон эрдэмэй номой санда дэлгэгдэһэн «Сестры. Песчинки Азии» гэһэн үзэсхэлэнэй үргэлжэлэлынь болоно. Энээнһээ урид дурадхагдаһан  үзэсхэлэнгүүд олоной анхарал татажа, харагшадта тон ехээр һайшаагдаһан байна.

Уран зураашадай ажалнууд Намжил Нимбуевай шүлэгүүдһээ урмашан, онсо шэнжэтэй болоо. Шэнэ үзэсхэлэндэ эгэшэнэр дахяад уг гарбалдаа хандажа, буряад оронойнгоо байгаалиин үзэсхэлэнтэ һайханиие сэгнэхыень уряална. Һүр жабхаланта хада ууланууд, хизааргүй Байгал далай, тала дайдада һэеы гэрнүүд ба гоё һайхан морид – үнгэ бүхэниинь ехэ анхаралтайгаар дамжуулагданхай. 

Уран зураашадай мэргэжэлгүй байһаниинь һаад болоогүй гэжэ тэмдэглэхэ шухала. Тэдэнэй ажал шэнэ хараа бодолтой, үнэн сэхэ, энэнь харагшадта илангаяа һонирхолтой.

Буряад арадуудай баян түүхэ, ёһо заншал харуулһан энэ хэмжээ ябуулга сэдьхэл хүдэлгын хоморой арга болоно гэхэдэ, алдуу болохогүй. Бэлигтэй эгэшэнэрэй уран һайханай, эб найрамдалай юртэмсэ руу шунгаха онсо арга боломжо бү алдагты!