Мүнөөдэр үдэрэй 12 сагһаа Алексей Цыденов агаарай долгиндо сэхэ гаража, уласай ажаһуугшадай асуудалнуудта харюусаба."Буряад ТВ телесубагта, Буряад ТВ-гэй Телеграм,  ВКонтакте сүлжээ холбоонуудта, Толгойлогшын сүлжээ холбоонуудта хараха, мүншье асуудалнуудые уридшалан табижа болохо арга бии байгаа.

Ажаһуугшаднай олон тоото асуудалнуудые һураба. Тэрэ тоодо зайн гал, харгы заһабарилга тушаа олохон асуудалнууд табигдаһан байна. Тиихэдэ зарим аймагуудай олон үхибүүдтэй айлай үхибүүд муниципальна унаада түлбэригүй ябаха ёһотой гэжэ тэрэ тодорхойлоо.

Үглөө бүхэн Сэлэнгэ мүрэнэй зүүн эрьедэхи  ажаһуугшадай ажалдаа хүрэжэ ерэхэнь хэсүү байдалда ородог ушарһаа Сэлэнгэ мүрэн дээгүүр 2-дохи хүүргэ бариха тухай асуудал бодхоогдоһон байна. 

Гэрнүүдые дулаасуулга, автобусуудай муугаар ябалга, мүншье сэрэгэй тусхай ябуулгада хабаатай, жэл бүхэн гарадаг түлеэнэй орёо асуудалнууд баһал хараада абтаа. 

Уласай Толгойлогшо табигдаһан бүхы асуудалнуудые шиидхэхэбди, иигэжэ жэл бүхэндэ агаарай долгиндо сэхэ гаража байхаб гэжэ тодорхойлоо.