Доржо Банзаровай нэрэмжэтэ Буряадай гүрэнэй ехэ һургуулида Буряад Уласай Толгойлогшо Алексей Цыденов Арадай Хуралай Түрүүлэгшэ Владимир Павлов хоёр  агробизнесэй түлөөлэгшэдтэй уулзалга үнгэргэбэ. Тус уулзалгада хүдөө ажахын үйлэдбэринүүдые хүгжөөхэ,  хүдөө ажахын ажалшад гүрэнһөө ямар тэдхэмжэ, дэмжэлтэ абаха аргатайб гэһэн асуудалнуудые зүбшэн хэлсээ.

 Мүн лэ энэ уулзалгада аймагуудай захиргаанай толгойлогшодой болон фермернүүдэй тулажа ерэһэн асуудалнууд бодхоогдоһон байна. 

Буряад Уласай Хүдөө ажахын ба эдеэ хоолой сайдай уялгануудые дүүргэгшэ Амгалан Дармаевай хэлэһээр, гүрэнэй тэдхэмжэ болон дэмжэлтэнүүдэй эрилтэнүүд  һэлгэгдэхэ, хүдөө ажахын хүдэлмэрилэгшэдтэ хүртээмжэтэй болохо. Гэбэшье бүхы гараһан асуудалнуудые Буряад Уласай Толгойлогшо хаража үзөөд, һаяын сагта шиидхэхэб гэжэ тангариглаа.