Буряад Уласай Засагай газарай түрүүлэгшын орлогшо Евгения Лудуповагай хүтэлбэрилгэ доро эрэмдэг бэетэйшүүлэй хэрэгэй талаар ээлжээтэ суглаан үнгэрбэ. Тэндэ олон шухала асуудалнууд зүбшэн хэлсэгдээ.
Энэ суглаан шэнэ, нүүдэл түхэлтэйгөөр үнгэргэгдэдэг болонхой. Мүнөөдэр тэрэ Улаан-Үдэ хотын эрэмдэг хүүгэдые ниигэмшэлхэ юрэнхы болбосоролой 60-дахи дунда һургуулиин дэргэдэ үнгэрөө. Суглаанда эрэмдэг бэетэй зондо хабаатай хүнүүд суглараа, зариман харилсаагүй гуримаар хабаадаһан байна.
Суглаанай эхилхэһээ урид ерэһэн айлшадта 60-дахи һургуули дотор экскурси хэгдээ, энэнь хадаа уласай бусад hуралсалай эмхинүүдтэ ёһотой жэшээ боложо үгэнэ.
Мүн лэ суглаанай хэмжээндэ «ИнваПрофи» гэһэн Бүхэроссиин мүрысөөнэй нютаг можын шатада шалгарагшадые шагнаба.
Бүхыдөө эндэ эрэмдэг бэетэй зониие сахим үнэмшэлгын ашаар үбшэнэй хойшолонгые усадхаха техническэ хэрэгсэлнүүдээр хангаха, эрэмдэг бэетэй һургуулиин үхибүүдтэ тааруу оршон байгуулха гэхэ мэтэ олон асуудалнууд эндэ хэлсэгдээ. Суглаанай түгэсхэлдэ Зүблэлэй 2025 оной ажалай түсэб баталагдаа.
