Тус хэмжээ ябуулга Буряадай гүрэнэй ехэ һургуулиин дэргэдэ үнгэржэ, 300 гаран хүниие – мүнөө байһан олзын хэрэг эрхилэгшэдые болон өөрын хэрэг эрхилхэеэ һая бодомжолжо байһан зониие суглуулаа. Тэдэнэй тоодо олзын хэрэг эрхилэлгын харгыда һая гараһан Ирина Цыденова.

 Хэмжээ ябуулгын программа эршэмтэй байгаа. Тэрэнэй дүрбэн талмай дээрэ тусхай урилгаар ерэһэн дүй дршэлтэй айлшад лекци уншажа, 15 гаран кейс –ушаралнуудтай танилсуулба. Гол түлэб Михаил Космачевай «Социальное предпринимательство: инфраструктура, меры поддержки и успешные кейсы» гэһэн элидхэл эгээл удха шанартай, хабаадагшадта туһатай байгаа. 

Гүрэнһөө тэдхэмжын талаар асуудалнуудта онсо анхарал хандуулагдаа. Тиигэжэ социальна олзын хэрэг эрхилэгшэд 1% хүрэтэр доошолуулагдаһан налог - татабари түлэхэ аргатай. Гэбэшье, мүнөө сагта Буряад орондо оройдоол зуу гаран эмхинүүд энэ ашаглалтатайгаар хүдэлнэ. Тиимэһэн тула  иимэ семинарнууд ехэ удха шанартай.

«Бизнес для общества» гэһэн семинар «Минии бизнес» гэһэн олзын хэрэг эрхилэлгын түбэй «Бага ба дунда олзын хэрэг эрхилэлгэ» гэһэн үндэһэтэнэй түсэлэй хэмжээндэ Буряад Уласай үйлэдбэриин, худалдаа наймаанай болон хүрэнгэжүүлгын яаманай дэмжэлгээр эмхидхэгдээ гэжэ тодорхойлогдоно.