Эдэ үдэрнүүдтэ Буряад Уласта дэлхэйн эгээл эдэбхитэй залуушуул сугларжа, хани барисаа бэхижүүлхэ, холбоо хаарилсаа байгуулха тухай хэлсэбэ. Тусхай семинарай шугамаар хэдэн талмайнууд ажаллаа. Тэдэнэй тоодо һайн дуратанай холбоонуудай ажал, элдэб түсэлнүүдые бэелүүлхэ арга боломжонууд тухай, залуушуулые ямар аргаар ниитын хэрэгтэй танислуулхаб гэжэ хөөрэлдэбэ.

Суглаан дээрэ Хитад, Монгол, Пакистан, Таджикистан гүрэнүүдэй түлөөлэгшэд суглараа. Тэдэ уласхоорондын клубай гэшүүдэй тоодо оробо. Тодорхойлон хэлэхэдэ, энэ эб найрамдал харуулһан клуб Орос уласай юрэнхылэгшын захиралтаар байгуулагдаа.  

Семинарай түгэсхэлдэ сугларагшад жэл соо хэһэн ажалайнгаа дүнгүүдые согсолбо. Мүн 2025 ондо бүтээхэ арба гаран түсэлнүүд зохёон байгуулагдажа, уласай яаманай ажалай түсэбтэ оруулагдаа.