Буряадай гүрэнэй ехэ һургуулиин шангай түлөө гар бүмбэгөөр мүрысөөн байгша ондо 25-дахияа эмхидхэгдээ. Томск, Омск, Кемерово, Краснярск, Эрхүү хотонуудһаа, Үбэр-Байгалай хизаарһаа болон Монгол Уласһаа хамта 16 тамирай бүлгэмүүд мүрысэжэ, эгээл шуран бэрхэ тамиршадые элирүүлхэ.
Мүрысөөндэ хабаадахаяа ерэһэн тамиршад булта дүй дүршэлтэй, шанганууд гээд Красноярск хотын тамиршадай бүлгэмэй гэшүүн Варвара Масленко хэлэнэ. Энэ мүрысөөндэ гурбадахияа хабаадажа байна.
БГУ-гэй шанда хүртэхын түлөө мүрысөөн оюутадай хоорондо эмхидхэгдэдэг урилдаанууд соо эгээл шухалань гээд тоологдоно. Уласхоорондын хэмжээн энээниие гэршэлнэ.
Гар бүмбэгөөр тулалдаанууд хоёр талмай дээрэ үнгэрнэ. Наадануудые Бэеын соелой болон тамирай байшанда, БГУ-гэй тамирай ордондо дуратайшуул ерэжэ хараха аргатай.
