Урал, КамАЗ, УАЗ, уһанай онгосо, квадрокоптернуудаар   түймэр сарагшадай автопарк нэмэгдэбэ. Хамта дээрээ энэ техникэдэ Буряад Уласай бюджедһээ 61 гаран сая түхэриг һомологдоо. Уласамнай 5 аймагууд руу алба хэхэ түймэр саралгын шэнэ унаанууд эльгээгдээ. Мүн тиихэдэ Буряад Уласай бэдэрэлгэ-абаралгын албанда «Абакан» онгосо болон квадрокоптер барюулагдаа.  

Жэл бүри түймэрэй аюултай хаһа нилээд шахардуу байдалда байдаг. Энэнь, нэн түрүүн, ойн түймэрнүүдһээ эхи абана, гэбэшье юрэнхы дээрээ олон зонтой газарһаа хүнүүдые түймэрһөө хамгаалха гээшэ тон шухала хэрэг ха юм даа. Техникэ шэнэлгэ болбол эдэ асуудалнуудые шиидхэхэ арга олгоно гээшэ. 

2017 онһоо 2023 он болотор, 120 гаран сая түхэригтэ түймэр саралгын 17 техникэ абтагдажа, албануудай харюусаха шадабари болон түймэр саралгын аша үрэ нилээд дээшэлүүлэгдээ гээд тэмдэглэе.