Түнхэнэй үндэһэтэнэй дархан саазата газарай дэбисхэр дээрэ, Мунхэ-Һарьдаг нюруугай газарта нюусаар тодхогдоһон гэрэл зураг буулгадаг түхеэрэлгэ эрбэдые буулгаба
Май һарын дундуур Мүнхэ-Һарьдаг нюруугай ойгуур барас харагдаһан байна. Тиихэдэ Эрхүүгэй «Сибирь» гэһэн ниитын эмхиин мэргэжэлтэд фото зураг абажа шадаһан байгаа. Тэдэнэр һара шахуу Буряад Уласай хада уулаар хоморой миисгэйн амидардаг газарнуудые шэнжэлээ һэн гэжэ Түнхэнэй үндэһэтэнэй дархан саазата газарай хэблэлэй албан мэдээсэбэ.
Хамта дээрээ экспедициин үедэ мэргэжэлтэд 300-гаад модо зай гаталаа, тэндэһээ тон хоморой кадрнууд эрдэмтэдэй видеоархив дүүргээ бэлэй. Мүн лэ эрбэдтэй хамта хоёр гүлгэтэй эмэ баабгай зурагта ороо. Энэ экспедици Алтай-Саяанай экорегиондо эрбэдые хамгаалха түсэлэй удаадахи шата болоно. Тыва болон Буряад Уласта буулгадаг түхеэрэлгэ табигдаһан байна, барасай амидардаг эдэ газарнууд эгээл үсөө дахин шэнжэлэгдэһэн юм. Олдоһон мэдээсэлнүүд эрдэмтэдтэ байгаалида амидардаг амитадай хүдэлөөниие шалгаха, хамгаалхадань туһатай байха болоно бшуу. Баатар гэжэ нэрэтэй эрбэд анха түрүүшынхиеэ 6 жэлэй саана обёорогдоһон байна. Энэ амитад Буряад орондо тон үсөөн үлэнхэй, һүүлшын мэдээгээр, тэдэ оройдоол долоон.
