Уласай ипподром дээрэ Эсэгэ Ороноо хамгаалагшадта- сэрэгэй тусхай ябуулгада хабаадагшадта зорюулагдаһан «Конкур-дерби: Ветер перемен» гэһэн мүрысѳѳн үнгэрбэ. Эндэ ганса сэрэгэй тусхай ябуулгын ветеранууд бэшэ, мүн бэеын элүүрэй хизаарлагдамал арга боломжотой үхибүүд хабаадаба.
Байгша ондо мүрысѳѳн Улаан-Үдэ хотын захирганай талаһаа дэмжэгдээ. Эмхидхэгшэд 250 мянган түхэригэй мүнгэндэ хүртэжэ, тэрэнээ бэлэдхэлдэ, шангай жасада, эмнэлгын шэнжэлэлгэдэ оруулаа.
Хэдэн үдэрэй туршада тамиршад бэрхэшээлнүүдтэй классическа конкур, конкур-дерби мүрысѳѳнүүдтэ хабаадаба. Илалтын түлөө Буряадай, Үбэр Байгалай хизаарай болон Эрхүү можын тамиршад мүрысэбэ. Мори унажа бэеэ аргалха хэрэг эрэмдэг бэетэй үхибүүдтэ болон дайнай ветерануудта дурадхагдан бэелүүлэгдэжэ эхилээ. Эндэ ганса амитадтай танилсаха бэшэ, мүн лэ мори унаад ябахадаа, хабаадагшадай бэе болон сэдьхэлэй байдал һайжарха, байгаалитай холбоо тогтоохо боломжо олгогдоно.
