Августын 15-да Бэшүүрэй аймагай Бага Хунилын һууринда можохоорондын «Казачий спас» гэһэн хасагуудай соёлой фестиваль дахинаа үнгэрхэнь. Эндэ айлшадта дуунай мүрысѳѳн, хэблэгдэһэн номуудтай танилсалга, тоглолто  гэхэ мэтэ һонирхолтой программа дурадхагдана.

Мүн фестивалиин хэмжээндэ гар урлалай үзэсхэлэн, шабараар урлаха мастер-классууд ,«Медовый Спас» яармаг, арадай нааданууд, хүүгэдэй сэнгэхэ аттракционууд, хооллохо, худалдаа наймаанай газарнууд ажал ябуулха. Зохёохы бүлгэмүүдэй ялас гэмэ тоглолтонууд, хасагуудай онсо өөрсэ соёл, арадай ёһо заншалнууд, амтатай эдеэ хоол, һайндэрэй мартагдашагүй оршон байдал хүлегдэнэ.