Буряад Уласта баклан шубуунда агнуури хэхэ зүбшөөл абаха мэдүүлгэнүүдые абажа эхилээ. Агнууриин хаһа августын 8-да эхилээд, шубуунай ниидэн бусаха саг хүрэтэр үргэлжэлхэ. Энээн тухай Бурприроднадзор албан дуулгана.

Мэдүүлгэнүүдые «Госуслуги» хабсаргалтаар, Олон һалбарита түбтэ гү, али Бурприроднадзор ерэжэ тушаахада болоно. Зүбшөөл бүридхэхын тула мэдүүлгэ соо ИНН, агнууриин билет ба Оросой эрхэтэнэй нюрай үнэмшэлгэ заабол хэрэгтэй болохо. Мүн 650 түхэригэй гүрэнэй татабариие түлэхэ.

Хүдөө агнууриин үедэ заабол агнуури хэхэ зүбшөөлтэй, агнууриин биледтэй ба агнууриин буу зэбсэг хадагалха ба абаад ябаха зүбшөөлтэй байха хэрэгтэй гэжэ мэргэжэлтэд дуулгана. hануулан хэлэхэдэ, байгша оной хабар улас дотор баклан шубуунда агнаха албан ёһоор зүбшөөл гараа һэн. Шубуудай тоогой ула ехэ болоhоной ба уһанай биоресурснуудай байдалда тэдэнэй муу нүлѳѳ үзүүлһэн ушарһаа энэ хуули зохихо гэhэн шиидхэбэри абтаа.