Һаруул сагаан, шара, сылэгэр ногоон болон бараан хүхэ, улаан. Эдэ бүгэдэ байгаалиин үнгэнүүдэй янза бүхэниие холижо, бүд, саарhан дээрэ элдэб ургамал болгожо, уран зурааша гүнзэгы үдхэн ой руу харагшадые урина. Тус үзэсхэлэн эмхидхэхын тула hараhаа үлүү сэдьхэл, бодолоороо ой соогуур тэнээб гэжэ Дарима Сибиданова уран зурааша шоглоно.
Дарима Сибиданова Буряад Уласай соёл урлалай hургуули, удаань Зүүн Сибириин соёлой Гүрэнэй дээдэ hургуули дүүргэhэн. Олон уласхоорондын ба гүрэнэй үзэсхэлэн, мүрысөөнүүдэй лауреат. 2025 ондо Солонгос гүрэнэй урлалай түсэлдэ хабаадажа, эрхим дүн харуулhан байна.
Дүй дүршэлтэй болоhон уран зурааша мүнөө Улаан-Үдын Хүүгэдэй урлалай 5-дахи hургуулида зурагай багшаар ажаллана. Улас дотороо нэрэтэй суутай болонхой. Түрэлхидынь ехэ омогорходог.
Дарима Сибиданова шэрэнүүдэй бүхы янза хэрэглэжэ, бүд гү, хатуу, зөөлэншье саарhанууд дээрэ зурадаг. Уран зураашанай хубида «Таинственный лес» гэhэн анха түрүүшын үзэсхэлэн боложо тодорбо. Саашадаа үшөө олон ажалнуудаар харагшадые баярлуулха хүсэлтэй.
