Июлиин 10-11-эй үдэрнүүдтэ Загарайн аймагай Асагад һууринай дэргэдэ аяншадай “Талын нүүдэлшэн” буудалда «Нүүдэлшэдэй аялга дуун» гэһэн 16-дахи хүгжэмэй уласхоорондын фестиваль үнгэрөө. 2 үдэрэй туршада 6 гүрэнэй зүжэгшэд 3 гол тайзанууд дээрэ хүгжэм дуугаа гүйсэдхэһэн байна. Жэлһээ жэлдэ тус фестиваль эршэдэжэ, мэдээжэ дуушадые урижа, улам олон харагшадай анхарал татана. 2022 онһоо эхитэй хүгжэмэй һайндэртэ уласаймнай залуу зүжэгшэд олоороо баһал хабаададаг.

Байгша ондо «Нүүдэлщэдэй аялга дуун» һайндэртэ 20 мянга гаран харагшад ерэжэ, нүхэдтэеэ дахяад уулзажа, дуратай дуушадые шагнажа, фестивалиин онсо оршон мэдэрбэ.

«Нүүдэлшэдэй аялга дуун» гэһэн хүгжэмэй фестиваль олон арадуудые, хэдэн үе зониие нэгэдүүлһэн соёлой ялас гэмэ, онсо, өөрсэ хэмжээ ябуулгануудай нэгэн юм. Тэрэ нэрэ зэргэеэ дахинаа гэршэлбэ. Угсаата һэдэбүүдэй болон мүнөө үеын хүгжэмэй туршалгануудай абяануудта шэнгэһэн нүүдэлшэдэй оршон байдал айлшадта мартагдашагүй сэдьхэлэй байдал бэлэглэһэн байна. Үргэн дэлисэтэй үйлэ хэрэг бүхы дэлхэйн дуушадай хоорондохи газар зүйн хилэнүүдые хуряажа, соёл хоорондын хөөрэлдөөнэй, зохёохы урма зоригой бата бэхи холбоо байгуулба.