Буряад Уласта гал аюултай тэмсээн дүүрэнэгүй. Үнгэрэгшэ хоногто Хойто Байгалай аймаг дотор үшөө нэгэ түймэр гараба гээд уласай онсо байдалай яаман мэдээсэбэ. Түймэрэй эхилһэн ушар гэхэдэ, хуурай залинта аадар болоно. Мүнөөдэрэй байдалаар, Хурамхаанай, Муяын болон Хойто Байгалай аймагуудта хамта дээрээ долоон түймэр соробхилжо байнхай. Тиигэбэшье Хурамхаанай, Баргажанай аймагуудта hүүлшын хоног соо хоёрынь лэ унтараагдаа. 
Бүхыдөө галтай тэмсэлгэдэ Ойн болон Агаарай ойн харуулай 148 түймэр сарагшад, бусадшье зон, табан тусхай техникэ гээд хабаадана. Хамта дээрээ Буряад Улас дотор 548 гаран гектар ойн газар түймэртэ абтанхай. Июлиин зургаанhаа гал аюулhаа боложо, улас дотор нютаг можын хэмжээнэй онсо байдал соносхогдонхой гэжэ hануулая.