Буряад Уласта ойн түймэрнүүдэй тоо олошорно. Хэрбээ хэдэн үдэрэй саана туймэртэ абтаһан талмай 2500 гектар тухай байгаа һаа, мүнөөдэр 6000 гектарһаа үлүү болоод байна. Бүхыдөө 25 ушар тоологдоно. Июлиин 25-най үглөөнэй байдалаар, Баргажанай, Баунтын, Яруунын, Хурамхаанай, Муяын, Хойто- Байгалай болон Хориин аймагуудта ойн 25 түймэр сараха талаар ажал үргэлжэлһөөр. Бүхыдөө түймэртэ ороһон талмайн 6000 гектар газарай 1460 гектарынь ой модоной ургажа байһан газар бэшэ. Хүн зоной ажаһуудаг газарнуудта аюул үгы гэжэ уласай ойн ажахын агентствэ мэдээсэнэ. Үнгэрһэн сүүдхын туршада улас дотор Муяын болон Хойто-Байгалай аймагуудта шэнэ долоон түймэр элирүүлэгдээ. Тэдэ булта аадарһаа уламжалһан болоно. Мүн һүүлэй үедэ Хурамхаанай, Хяагтын, Хойто-Байгалай аймагуудта 6 түймэр унтараагдаа. Мүнөө дээрээ ойн харуулай 423 хүн, «Авиалесоохранын» хүдэлмэрилэгшэд, ойн талмайнуудай арендаторнууд болон энэ хэрэгтэ хабаатай хүнүүд түймэр саралгада хүдэлнэ, ойн түймэр саралгын 64 единицэ техникэ хабаадуулагдаһан байна. Буряад Уласта можо нютагуудай хэмжээнэй онсо байдалай гурим тогтогдонхой. Түймэр болон утаа анхарбал, 20-44-44 дугаараар дуулгаха хэрэгтэй.
