Бэеынгээ элүүрые бага наһанһаа, гол түлэб һургуулиин үеһөө эхилээд хамгаалха хэрэгтэй гэжэ бултанда мэдээжэ. Улан-Удэ хотын һургуулинуудаар тусхай түсэл бэелүүлэгдэнэ.
Тэрэнэй хэмжээндэ 33-дахи гимназиин эмшэд болон эмнэлгын һургуулиин оюутад ерэжэ, үхибүүдтэй уулзалгануудые эмхидхэбэ.
«Здоровый школьник» гэһэн түсэлэй хэмжээндэ тусхай бэлэдхэлтэй багшанар болон эмнэлгын һургуулиин оюутад үхибүүдтэй элүүр энхын талаар хөөрэлдөөнүүдые үнгэргэнэ.
"Энэ проектын гол зорилго һурагшадай бэеын элүүрые һайжаруулха гэһэн мэдэсэ нэбтэрүүлгэ болоно. Тиихэдээ энэ түсэлые олон һургуулиинууд дэмжэжэ, өөһэдын һургуулинуудта ябуулжа эхилэнхэй. Энээнһээ боложо, үхибүүдэй сэдьхэл һанаанай, бэеын уялга даабари хээд, тэрэ һуларжа, энэ хэшээлээ туршада зарядка хэжэ, бэеынь тобиржо байна", - Валентина Цоктоева, В. БОЯНОВАГАЙ НЭРЭМЖЭТЭ ЭЛҮҮР МЭНДЫН ТҮБЭЙ ЭМШЭН.
Мүнөө ганса эхин классуудта бэшэ, мүн лэ дунда, ахамад ангинуудташье хэшээл бүхэн бэеын тамирай дасхалнуудһаа эхилдэг болонхой. Зарим классуудта өөрын хатаршье байжа болодог.
Үхибүүдтэ, нэн түрүүн, гэртэхин жэшээ харуулха ёһотой. Тиимэһээ хүн бүхэнэй өөрын гуримтай байха шухала гэжэ хотын 33-дахи гимназиин буряад хэлэнэй багша Дарима Дашидондоковна хубаалдаба.
"Би эгээн түрүүн үглөө бүхэндэ зарядка хэдэгби, үдэр соо 10000 алха хэдэгби, уһа уудагбди", - Дарима Хартаева, УЛААН-ҮДЭ ХОТЫН 33-ДАХИ ГИМНАЗИИН БУРЯАД ХЭЛЭНЭЙ БАГША .
Элүүр мэндэ байха гээшэ ганса бэе махабадта хабаатай бэшэ, мүн лэ баһа хүн сэдьхэл дүүрэн, тэгшэ байдалтай байха ёһотой гэжэ эмшэд һануулна.
