“Вопрос учителю года” гэһэн шангай янза мүнөөдэр эхилбэ. Эндэ хэншье һаа, дуратай хүнүүд өөрынгөө һонирхоһон асуудалнуудые эрхим багшанарта табиха аргатай байгаа, тиихэдэ харагшадай һонирхоһон асуудалнуудта уласаймнай эрхим багшанар харюунуудые үгэбэ.

Мүрысөөнэй шүүлгын бүлэг багшанарай өөһэдынгөө һанал бодолнуудые багшалһан үрэ дүнтэй дүршэл дээрээ үндэһэлэн харуулха шадабаринуудыень, багшын ажалда харилсан ажаллалга болон бусад талануудыень сэгнэбэ.

Түгэсхэлэй шата хүрэтэр ошоһон 5 хабаадагшадһаа Мухар-Шэбэрэй аймагай Түгнын юрэнхы болбосоролой дунда һургуулиин тоо бодолгын багша Татьяна Трофимова «Жэлэй багша–2023» боложо тодороо.

Энэ мүрысөөн хадаа гансашье багшанарта бэшэ, мүн тиихэдэ мэргэжэлэй талаар һурган хүмүүжэлэгшэдтэ эгээл ехэ удха шанартай үйлэ хэрэг болоно. Шүүлгын бүлэг мүрысөөндэ хабаадагшадта зориг, түрүү дүй дүршэл , багшын ажалаар шэнэ онол аргануудые олохыень хүсэбэ.