Доржо Банзаровай нэрэмжэтэ Буряадай гүрэнэй ехэ һургуулида хэлэ бэшэгэй эрдэмэй доктор, профессор Светлана Искровна Гармаевагай 85 жэлэй ойдо зорюулагдаһан "Типология художественных традиций в литературе" гэһэн эрдэмэй хуралдаан үнгэрбэ.
 1973 онһоо наһанайнгаа эсэс хүрэтэр Светлана Искровнагай ажалайнь намтар Буряадай гүрэнэй дээдэ болон ехэ һургуулиин хэлэ бэшэгэй факультедтэй нягта холбоотой байһан. Һуралсал-хүмүүжүүлгын ябасые нарижуулан һайжаруулха талаар ехэ ажал ябуулдаг гүнзэгы бодолтой багша оюутадые уран зохёол шудалалгада теориин онсо үүргые ойлгуулха гэжэ эрмэлзэдэг, уран зохёол шэнжэлэлгын шухала асуудалнуудтай шабинараа танилсуулдаг һэн.
Светлана Искровна тон эдэбхитэйгээр эрдэм шэнжэлгын ажал ябуулаа, 8 аспирантнуудые бэлдэһэн байна. Евразиин уран зохёолой шухала асуудалнуудаар Уласхоорондын дүхэриг шэрээ эмхидхэгшэдэй нэгэн, хүтэлбэрилэгшэнь байһан юм. Тус хуралдаанда тэрэнэй аспирантнуудай нэгэн Алимаа Хензиг-ооловна Херел хабаадаа.
Хуралдаан хоёр үдэрэй туршада үргэлжэлөө. Эндэ олон можо нютагуудһаа, гүрэнүүдһээ 115 хабаадагшад сугларһан байна.