Лимбын һонирхолтой аялга, ород арадай зэмсэгүүдэй оркестр, классическа хүгжэмэй гайхамшагта бүтээлнүүд. Чайковскийн нэрэмжэтэ урлалай колледжын эмхидхэһэн «Созвездие молодых» гэһэн заншалта фестивалиин мартагдашагүй гурбан тоглолто Буряадай ниислэл хотодо үнгэргэгдэхэнь. Түрүүшын тоглолто январиин 29-дэ үдэшын 5 сагта болохо.
«Диалог поколений» гэһэн хоёрдохи тоглолто февралиин 2-то үдэшын 5 сагта Чайковскийн нэрэмжэтэ урлалай колледжын танхим соо харахада болохо.
Февралиин 4-дэ үдэшын 6 хахад сагта Оперо болон баледэй театрта тус фестиваль Оросой зохёохы ехэ һургуулинуудай оюутадай тоглолтоор түгэсэхэ. Биледүүдые Чайковскийн нэрэмжэтэ урлалай колледжын сайт дээрэһээ абаха арга бии. Ниислэл хотымнай соёлой ажабайдалда болохоо байһан энэ ехэ үйлэ хэрэгые бү алдаарайт.
