Буряад Уласта «Алтаргана-2026» нааданда бэлэдхэл эхи абаа. Энээн тухай Буряад Уласай Соёлой сайд Соелма Дагаева Telegram каналда дуулгаба. Энэ удаа морин-эрдэни уласхоорондын фестивалиин hахюуhан боложо, эскиз бүтээгдэжэ байна. «Алтаргана» мүн лэ шэнэ сахим хуудаhатай болохо. Сайдай тэмдэглэһээр, фестивальда буряадуудай юртэмсын бүхы һонинуудые, хүтэлбэрилхы номуудые, материальна бэшэ баялиг, тоглолтонуудай видеобуулгабаринууд болон бусад олон юумэнүүдые харуулха мүнөө үеын хэрэгсэл шухала. Мүн ѳѳрсэ ёhо заншалнуудые сахижа, һэргээхэ зорилготойгоор Буряадай Соёлой яаман мартагдаһан шахуу, теэд мүнөө hэргээгдэжэ байһан «Сууха хуур», «Суур» гэһэн буряад үндэһэн зэмсэгүүд дээрэ гүйсэдхэгшэдэй мүрысөө, мүн буряад арадай хатарай «Нютагай бужиг» гэһэн мүрысѳѳ нэмэхээр тусэблэнхэй. Тиихэдэ эндэ хабаадаха оронуудай болон можо нютагуудай hуудал байдал харуулhан һэеы гэрнүүдэй хото бариха түсэб бии. Эндэ фестивалиин хабаадагшад, айлшад хүршэ нютаг можонуудай, гүрэнүүдэй байра байдалтай, хэдэн талаар амжалтануудтайнь танилсажа, урашуулай элдэб бүтээлнүүдые хаража, дурасхаалай бэлэгүүдые худалдажа абаха аргатай байха. XV Бүгэдэ Буряадай Уласхоорондын «Алтаргана-2024» наадан Булган аймагта июлиин 26-һаа 28 болотор үнгэргэгдѳѳ hэн гэжэ һануулая. Буряад орониие 13 аймагууд болон мянга гаран зүжэгшэд, тамиршад түлөөлжэ, хэдэн арбаад медальнуудта хүртөө бэлэй. Ерэхэ 2026 оной буряад - морголшуудайнгаа наада гэр дээрээ бүри үргэнөөр эмхидхэжэ, үшөөшье үндэр амжалта туйлаха түсэбүүд табигдана.
