Буряад Уласай можонууд хоорондын «Баатар. Дангина» гэһэн гоо һайханай болон зохёохы мүрысөөн энэ жэл 35-дахияа үнгэрхэ. Мэдүүлгэнүүдые абалга январиин 31 болотор байкалфолк.рф гэһэн сайт дээрэ үргэлжэлхэ. Эмхидхэгшэд буряад хэлэтэй болон буряад соёл мэдэхэ ямаршье үндэhэ яhатаниие хабаадахыень урина. Зохёон байгуулгын мүрысөөнүүд наһанай илгаагаар «Хүүгэн Баатар», «Хүүгэн Дангина», «Эдир Баатар», «Эдир Дангина», «Баатар», «Дангина» гэһэн бүлэгүүдтэ хубаарилагданхай.

Арадай уран бэлигэй түб мүрысөөндэ бэлдэн, урда жэлнүүдтэ хабаадагшадтай танилсалгын видеобуулгабаринууд бүтээгдэнэ. Тэрэ тоодо манай субагай юрэнхы эрхилэгшэ Гунсыма Тудупова тухай фильм. 

Мүрысөөнэй түгэсхэлэй шатада хабаадаха зониие февралиин 6-да шэлэн абаха юм. Тэдэ Чайковскийн нэрэмжэтэ урлалай колледже Тайзанай дээрэ бэлигээ харуулха юм. Февралиин 7-до Бестужевэй нэрэмжэтэ ород драмын театр соо харагшадта мүрысѳѳнэй гала-концерт дурадхагдахаар хараалагдана. Мүн тэрэл үдэртөө илагшадай нэрэнүүд соносхогдохо. Эрхим «Дангинанууд» гараар бүтээһэн титимдэ хүртэхэ, харин «Баатарнуудта» эрэшүүлэй шэмэглээтэй бүһэ шан барюулагдаха. Энэ жэлэй мүрысөөн хадаа Агууехэ Илалтын 80 жэлэй ойдо зорюулагдана. Мүрысөө эхи табигша Буряад Уласай Соёлой яаман болоно, эмхидхэгшэ Арадай уран бэлигэй түб.