Энэ үдэрнүүдтэ уластамнай «Музейные маршруты России» гэһэн Бүхэроссиин түсэл бэелүүлэгдэнэ. Хэмжээ ябуулгын 2-дохи үдэртэ хамтын ажал ябулха тухай Буряад Уласай Соёлой сайд Соелма Дагаева Арсеньевэй нэрэмжэтэ гүрэнэй нэгэдэһэн «Алас Дурна зүгэй түүхын музей-заповеднигэй захирал Виктор Шалай хоёр хэлсээ баталба.
Тэрэнэй һүүлээр гүрэнэй мүзейнүүд мүн лэ хамтын ажал ябуулха тухай хэлсээнүүдые баталаа. Удаань «Музей как субъект креативной экономики» гэһэн пленарна хуралдаан эмхидхэгдэжэ, тэрээн дээрэ уласай түрүү музейнүүдэй хүтэлбэрилэгшэд – Гүрэнэй Третьяковай галерей, Москвагай музей, Санкт-Петербургын манеж, Гүрэнэй музей болон үзэсхэлэн дэлгэдэг «РОСИЗО» түб гэхэ мэтэ хабаадаа. Уласай Толгойлогшо энэ хэмжээ ябуулгын шухалые тодорхойлоо.
Түсэлэй 3-дахи үдэртэ ерэһэн айлшад Новоселенгинскын декабристнуудай, Хяагтын Обручевай нэрэмжэтэ хизаар ороноо шэнжэлэлгын музейнүүдээр ябаха. Бүхыдөө түсэлэй гол зорилго хадаа бүхы гүрэн дотор музейнүүдые дэлгэрүүлхэ, соёлой газарнуудта аяншалагшадай гүйдэлые эдэбхижүүлхэ болоно. Энэ түсэл манай уласта үнгэргэгдэһэнэй удаа Чечен Уласта болохоор тʏсэблɵɵтэй.
