Июниин 1-дэ, Хүүгэдые хамгаалгын үдэр Улаан-Yдэдэ элдэб янзын урилдаанууд, тоглолтонууд болон акцинууд үнгэрхэ. Мүн амаралтын сэсэрлигүүд соо мүрысөөнүүд болон шангуудые шүүхын түлөө нааданууд болохо гэжэ Улаан-Yдын амаралтын сэсэрлигүүдэй талаар хүтэлбэри дуулгана.

«Юбилейный» гэһэн амаралтын сэсэрлигэй тайзан дээрэ үдэшын 5 сагһаа һонин хэмжээ ябуулганууд эхилхэ, удаань һайндэрэй дискотекэ түсэблэгдэнэ. Тэндэ түрүүшын 500 айлшадта морожено–зайрмаг бэлэг хүртэхэ юм. Дарма Жанаевай нэрэмжэтэ сэсэрлигтэ мүн лэ үдэшын 5 сагһаа элдэб hонин мастер-классууд , асфальт дээрэ зураһан зурагуудай мүрысөөнүүд үнгэргэгдэхэ байна. Тиихэдэ "Кристальный» гэhэн сэсэрлиг «Зунай нааданууд» гэhэн фестивальда урина.

Буряад Уласай 100 жэлдэ зорюулагдажа, «Тоонто нютагай шэрэ будаг» гэhэн үхибүүдэй болон түрэлхидэй hайндэр Хубисхалай талмай дээрэ үглөөнэй 10 хахадһаа үдэрэй час болотор үнгэрхэ.
– Хубисхалай талмай дээрэхи хүшөөгэй дэргэдэ элдэб асуудалнуудаар зүбшэл үгэдэг түб хүдэлхэ. Эндэ багшанар болон мэргэжэлтэ психологууд хүүгэдтэ, мүн тэдэниие хүмүүжүүлгэдэ, һэргылэмжын худэлмэридэ хабаатай асуудалнуудаар хандагшадта зүбшэл, заабари үгэхэ байна, – гэжэ хотын захиргаанай болбосоролой хорооной түрүүлэгшэ Татьяна Митрофанова мэдээсэнэ.

1 июня, в День защиты детей, в парках столицы Бурятии пройдут различные конкурсы, концерты и акции.

Также во всех парках пройдут командные состязания и розыгрыш призов, сообщили в дирекции по паркам Улан-Удэ. Также на площади Революции для маленьких горожан и их родителей пройдёт городской праздник детства «Краски Малой Родины», посвященный 100-летию Республики Бурятия.