Апрелиин 14-15-ай үдэрнүүдтэ Улаан-Үдэ хотодо Бүхэроссиин зохёохы һайн дуранай бүлгэмүүдэй фестиваль-мүрысөөнэй хоёрдохи шата үнгэрбэ. Эндэ Сибириин болон Алас Дурнын федеральна тойрогой 14 бүлгэмүүд хабаадажа, бүхы уран шадабарияа харуулба.
Табан жэлэй туршада энэ мүрысөөн 1316 бүлгэмүүдые нэгэдхүүлһэн байдаг . 2021 ондо Тарбагатайн шэмээшэгүүдэй «Судьбинушка» гэһэн бүлгэм энэ мүрысөөнэй лауреат боложо, 2 млн түхэриг грантда хүртэһэн байна. Тиихэдэ эндэ хабаадагшад гансал илахаяа оролдоо бэшэ, харин нүгөөдэ бүлгэмүүдээрээ харилсан ажаллаһан, танилсаһан байна.
Улаан-Үдэһөө бэшэ бусадшье үшөө ондоо хотонуудаар энэ мүрысөөнэй шатанууд үнгэрхэ байна. Тус мүрысөөн 2019 онһоо эхи абаһан, тиихэдэ табан жэлэй туршада «Соёл» гэһэн үндэһэн түсэлэй хэмжээн соо Россиин арадуудай ёһо заншал сахиха болон хүгжөөхэ гэһэн зорилготойгоор үнгэргэгдэдэг.
Мүрысөөнэй энэ шатын дүнгүүдээр Камчатска хизаарай, Алтай, Буряад, Саха, Тыва уласуудай бүлгэмүүд лауреадууд болоһон байна. Тус мүрысөөнэй түгэсхэлынь октябрь һарада Москва хотодо үнгэрхэ байна. Мүрысөө үүсхэн байгуулагша– Оросой Холбоото Уласай Соёлой яаман. Буряад Уласай Соёлой яаман болон Арадай уран бэлигэй улас түрын түб хоёр Буряад Уласта энэ конкурс эмхидхээ.