Уянгата, сэдьхэл, дура татамаар дуунуудые  «Монголhоо Могол хүрэтэр» гэһэн тоглотодо шагнахада болохо.  Буряадай дуу,  хатарай «Байгал» театр энэ түсэлөө шэнэдхэжэ, апрелиин 12-һоо 15 болотор харагшадтаа дурадхахань. Энэ түсэлдэ хэзээ нэгэтэ Ехэ монгол уласта ажаһуудаг арадуудай хатарнууд  болон дуунууд ороно.

Эндэ ехэнхидээ байршалай Хойто монголнуудай, ойрадуудай, афганай хазар-монголнуудай болон Хойто Энэдхэгэй аша, гуша болохо моголнуудай урлалтай танилсахада болохо гэжэ түсэлэй эмхидхэгшэд тодорхойлно.

Энэдхэгэй хойто зүгтэ оршодог Агууехэ моголнуудай гүрэниие Чингисхаанай аша гушанар байгуулһан түүхэтэй. Ород хэлэнэй толи харахада, «могол» гэжэ үгэ Индостанай монгол засалагшанарай нэрэ соло юм. Зүжэгшэдэй мэдэрэлээр, Буряадай болон Энэдхэгэй соёл олохон хамтын юумэтэй. Энэ түсэлдэ гол айлшад болохо Узбекистанай бүжэгшэн,  Энэдхэгэй дуушан болон бүжэгшэн ерэһэн байна.

Тус тоглолтын эхилхэһээ урид театрай бүжэгшэд ехэ бэлэдхэл ябуулна, айлшадай хатар харана, дүй дүршэлөөр андалдана. Тиихэдэ «Байгал» театрнай ерэхэ жэлдэ иимэ тоглолто баһал үнгэргэхэ түсэбтэй байна гэжэ театрай уран һайханай хүтэлбэрилэгшэ Жаргал Жалсанов хубаалдаба.