Пётр Чайковскиийн нэрэмжэтэ урлалай колледждо балетмейстернүүдэй-зүжэг табигшадай мүрысѳѳнэй нээлтэ үнгэрбэ. 92 балетмейстернүүд, 71 бүлгэм, 126 зүжэгүүд, 2 мянган хүн эндэ хабаадана. Эрхүү можын арадай хатарай «Тэрэнги» бүлгэмэй хѳѳрхэн хүүгэд харагшадай анхарал ехэ татажа, дурыень буляагаа.

Хабаадагшад 2 үдэрэй туршада харагшадай болон жюриин анхаралда зүжэгүүдээ дурадхаха. Энэнь 3 номинацида хубаарха болоно: арадай, hажаажа найруулhан болон оршон үеын хатар. Тус мүрысѳѳн уласхоорондын хэмжээндэ үнгэргэгдэнэ. Монгол Уласай хатаршад эрхим зүжэгүүдээ дурадхаха юм.

Тус хэмжээ ябуулга Буряадай габьяата зүжэгшэн Татьяна Гергесовагай нэрэ доро үнгэрнэ. Мүн тиихэдэ Буряад Уласай 100 жэлэй ойн баярта зорюулагдана гэжэ эмхидхэлшэд тэмдэглэнэ.

Мартын 31-дэ үдэшын 6 сагта Николай Бестужевай нэрэмжэтэ ород драмын театрта мүрысѳѳнэй дүнгүүд элирүүлэгдэжэ, ехэ тоглолто болохо. Чайковскийн нэрэмжэтэ урлалай колледжын сайт дээрэ биледүүдые абаха аргатайт.