Буряадай Үндэһэтэнэй номой санда Соёлой ажалшадай үдэрһөө урид Буряад Уласай Cоёлой яаман заншалта ёһороо үнгэрһэн жэлэй дүнгүүдые гаргажа, соёлой эрхим ажалшадые урмашуулба.
Шангуудта хүртэгшэдэй тоодо Буряад орондоо мэдээжэ дуушан, сэрэгэй алба хэгшэ Дарима Цырендондопова ороно. Тэрэ «Соёлой ударидагша» гэһэн нэрэ зэргэдэ хүртэбэ.
Буряад театрай зүжэгшэд Булат Самбилов Солбон Ендонов хоёр Буряад Уласай габьяата зүжэгшэн гэһэн нэрэ зэргэдэ хүртөө.
Шагналда хүртэхэ гээшэ хододоо аятай байдаг гэжэ зохёохы зон сэхыень хэлэнэ. Харин хэһэн хэрэгэй түлөө хүртэхэдэ, энэшни хоёр дахин үлүү аятай байдаг лэ.